Fakanofo ‘e he ‘Ene ‘Afio ‘a e ‘Eiki Palēmiá mo e Hou’eiki Minisitā ‘o e Kapineti ‘a ‘Ene ‘Afió

E-mail Print PDF

22 ‘o Sanuali, 2018 English l Tongan Tapu mo ‘Ene Afió, Kingi Tupou VI mo e Ta’ahine Kuiní Nanasipau’u mo e Fale ‘o Ha’a Moheofo.

Tapu ki he Hou’eiki ‘o e fonuá pea mo e Tonga kotoa, kae ‘atā ke fakahoko atu ke mea’i ‘e Hou’eiki pea mo e kakai ‘o e fonuá kuo mokoi ‘a ‘Ene ‘Afió, Kingi Tupou VI ke fakanofo‘a Hon. Samuela ‘Akilisi Pohiva ko e Palēmia ‘o Tonga ‘o kamata lau mei he ‘aho 2 ‘o Sanuali, 2018. Na’e toe mokoi ‘a e finangalo ‘a ‘Ene ‘Afió ke fakanofo ‘a e Hou’eiki Minisitā ‘a e Kapinetí ‘o kamata lau mei he ‘aho 5‘o Sanuali, 2018:

1. Ke fakanofo ‘a Hon. Semisi Kioa Lafu Sika, Fakafofonga Kakai ‘o Tongatapu 2, ko e ‘Eiki Tokoni Palēmia pea mo e ‘Eiki Minisitā ki he Ngaahi Ngāue Lalahí mo e Takimamatá.

2. Ke fakanofo ‘a ‘Eiki Nōpele Ma’afu Tukui’aulahi, Fakafofonga Nōpele ‘o Tongatapú, ko e ‘Eiki Minisitā ki he Fonuá mo e Ngaahi Koloa Fakaenatulá.

3. Ke fakanofo ‘a Hon. Dr. Pohiva Tu’i’onetoa, Fakafofonga Kakai ‘o Tongatapu 10, ko e ‘Eiki Minisitā Pa’anga mo e Palani Fakafonuá.

4. Ke fakanofo ‘a Hon. Dr. Saia Ma’u Piukala, Fakafofonga Kakai ‘o Tongatapu 14, ko e ‘Eiki Minisitā Mo’ui mo e ‘Eiki Minisitā ki he Ngaahi Kautaha ‘a e Pule’angá.

5. Ke fakanofo ‘a Hon. Penisimani ‘Epenisa Fifita, Fakafofonga Kakai ‘o Tongatapu 9, ko e ‘Eiki Minisitā Ako mo e Ako Ngāué.

6. Ke fakanofo ‘a Hon. Semisi Tauelangi Fakahau, Fakafofonga Kakai ‘o Tongatapu 8, ko e ‘Eiki Minisitā ki he Ngoué, Me’atokoní, Vaotātā mo e Toutaí.

7. Ke fakanofo ‘a Hon. Sione Vuna Fa’otusia, Fakafofonga Kakai ‘o Tongatapu 7, ko e ‘Eiki Minisitā Laó mo e ‘Eiki Minisitā ki he Pilisoné.

8. Ke fakanofo ‘a Hon. Mateni Tapueluelu, Fakafofonga Kakai ‘o Tongatapu 4, ko e Minisitā ki he Tānaki Pa’anga Hū Maí mo e Tuté mo e ‘Eiki Minisitā ki he Polisí mo e Tamate Afí.

9. Ke fakanofo ‘a Hon. Poasi Mataele Tei, Fakafofonga Kakai ‘o Tongatapu 6, ko e ‘Eiki Minisitā ki he Fakamatala ‘Eá, Ma’u’anga Iví, Ma’u’anga Fakamatalá, Tokangaekina ‘o e Ngaahi Fakatamaki Fakaenatulá, ‘Atakaí, Fetu’utakí mo e Feliuliuaki ‘a e ‘Eá.

10. Ke fakanofo ‘a Hon. ‘Akosita Havili Lavulavu, Fakafofonga Kakai ‘o Tongatapu 16, ko e ‘Eiki Minisitā ki he Ngaahi Ngāue Fakalotofonuá.

11. Ke fakanofo ‘a Hon. Dr. Tevita Tu’i Uata ‘o Vainí ko e ‘Eiki Minisitā ki he Komeesí, Konisiumá, Fefakatau’akí, ‘Ilofo’oú mo e Ngāue ‘a e Kakaí.

‘I he ‘aho 17 ‘o Sanuali, 2018, na’e lava lelei ai ‘a e fakataufolofola ‘a e ‘Eiki Palemia ki he ‘Ene ‘Afio pea na’e mokoi ai ‘a e finangalo ‘a ‘Ene ‘Afio ke fakanofo ‘a e ‘Eiki Palēmiá, Hon. Samuela ‘Akilisi Pohiva ko e Minisitā ki he Ngaahi Ngāue ki Mulí pea mo ‘Eiki Nōpele Ma’afu Tukui’aulahi ko e Minisitā ki he Kau Tau ‘a ‘Ene ‘Afio ‘o kamata lau mei he ‘aho 19 o Sanuali, 2018. Ko e teemi hono ua foki eni ‘o e ‘Eiki Palēmiá, Hon. Samuela ‘Akilisi Pohiva pea mo e Hou’eiki Minisitaá ‘a ia te nau hoko atu mei he ta’u 2018 ki he 2021.

NGATA’ANGA

Tuku atu mei he:‘Ofisi ‘o e Palēmia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644 Fax: (676) 23 888; Ngaahi Faka’eke’eke- Email: This e-mail address is being protected from spambots. You need JavaScript enabled to view it Uepisaiti: www.pmo,gov.to

Last Updated ( Monday, 22 January 2018 10:10 )  

Who's Online

We have 531 guests online

CONSULATES/EMBASSIES

PUBLIC ENTERPRISES