Hikoveve Fakafonua ke fakasi’isi’i mafola ‘a e Mofi Tengi

Monday, 05 February 2018 14:12
Print

05 Fepueli 2018 Na’e kamata ‘i he Tu’apulelulu ‘o e uike kuo ‘osí ‘a e Polokalama Hikoveve Fakafonua ke fakasi’isi’i ‘a e mafola ‘a e mahaki ‘o e tengí hili hono fakapapau’i kuo tō ‘a e tengí ‘i Tonga ni.

‘Oku fakalele mo tokanga’i ‘a e polokalama ko ‘ení ‘e he Potungāue Mo’ui ‘o fengāue’aki mo e ngaahi kupu fekau’akí, ‘o kau ki ai ‘a e Kolosi Kulá, Ma’u Mafai ki he Vevé, Va’a ‘o e ‘Ātakaí (MEIDECC), Kau Tau ‘a ‘Ene ‘Afió, Potungāue ki he Ngaahi Ngāue Fakalotofonuá (MIA)mo e ngaahi va’a kehe pē.

Fakatatau ki he fakamatala ‘a e ‘Inisipekita Mo’ui Pule ‘i he Va’a Ngāue ki Tu’a ‘a e Potungāue Mo’uí, Sela ‘Akolo Fa’u, kuo a’u ‘eni ki he toko 33 kuo talatala mai ki he Falemahaki Vaiolá kuo ‘osi fakahoko honau sivi ‘o fakapapau’i ‘oku nau fokoutua ‘i he tengí.

‘I loto ‘i he toko 33 ko ‘ení, na’e mālōlō ai ‘a e tokotaha, pea ‘i ai ‘a e ni’ihi na’a nau tākoto ‘i falemahaki pea kuo faka’atā kinautolu. Ko e fika ko ‘ení ko e fakamuimui taha ia kuo tuku mai mei he Falemahaki Vaiolá ‘o a’u ki he efiafi Pulelulu ‘o e uike kuo ‘osí ‘a e tokolahi ‘o e kakai ne nau puke ‘i he tengí.

“Koe polokalama ko ‘ení, ko hono totonú ke fakalele tu’o ua he ta’u. ‘I he ta’u 2016 na’e lava ke mau fakahoko ‘a e polokalama hikoveve fakafonua ko ‘ení ‘o tu’o ua, ‘i he kamata’anga mo e faka’osinga ‘o e ta’ú. Ka ‘i he ta’ú ní ‘oku mahino mai ko e tengí ‘e meimei ke mafola ia mei Hihifo ki Hahake. ‘Oku fai leva ‘a e fakakaukau ke lele ‘a e timi ‘e ua ‘i hono hiko ‘o e vevé.”

Na’e fakahā ‘e he ‘Inisipekita Mo’ui Pulé, ko e hiko veve fakafonua ni ko e founga lelei taha pē ia hono pule’i ‘o e fakafanau ‘o e namú. Ko e ngaahi veve hangē ko e ‘aisi maumau, nge’esi niu, tasipini mo ha to e veve pē ‘e malava ke fakafanau ai ‘a e namú ‘oku fiema’u ke tuku mai ki hala pe toumu’a ‘o e ngaahi ‘api taki taha ke hiko ‘e he timi kuo vahe kenau fakahoko ‘a e polokalama ni.

Na’á ne kole foki ‘a e poupou e kakai ‘o e fonuá kenau ala nima fakataha ki hono fakahoko ‘o e ngaué ni pea kuo ‘osi ‘i ai ‘a e ngaahi kolo kuo nau tokoni mai ki hono fakahoko ‘o e ngaué ni.

‘I he fakamatala ‘a Fa’ú ‘oku ‘i ai ‘a e faka’amu ke a’u ‘a e polokalama ko ‘eni ki he ngaahi ‘otu motú kapau ‘e ‘i ai ha silini fe’unga ke fakahoko’aki ‘a e ngāué.

‘I he fakamatala ‘a e ‘Ofisa Pule ‘Ātakai mei he Va’a ‘o e ‘Atakai ‘a ia ‘oku fakamalumalu he Potungāue MEIDECC Mafile’o Masi ‘oku mahu’inga ke ‘ilo ‘e he kakai ‘a e ngaahi ‘aho ke tuku mai ai ‘enau vevé ki halá.

“Tupu mei he hokohoko ‘a e tengí ‘oku ‘i ai ‘a e faka’amu ke fakahoko fakakuata ‘a e polokalama hikoveve fakafonua ko ‘ení pe tu’o taha he ta’u. Ko e faingamālie ‘eni ki he kakai ke tuku mai ‘enau vevé, pea ke nau ‘ilo’i ‘a e ‘aho ‘oku a’u atu ai ‘a e hiko vevé ki honau ngaahi kolo taki taha.”

Ko e taimi tēpile eni ‘o e ngaahi ‘aho mo e ngaahi feitu’u ‘e fakahoko ai ‘a e hiko vevé.

DATE

Address/ Team 1

Address/Team 2

Thurs 01/02/2018

Pea

Ha’atafu,Kanokupolu

Fri      02/02/2018 – Mon 05/02/2018

 

Tofoa

 

‘Ahau, Kolovai , Ha’avakatolo

Tues  06/02/2018 -  Wed 07/02/2018

 

Havelu

 

Fo’ui ,Kala’au,Fahefa

Thurs 08/02/2018

Fanga ‘o Pilolevu

Ha’utu

Fri      09/02/2018

Mailetaha, Halafo’ou, Pahu

Vaotu’u

Mon  12/02/2018

Ngeleia, Pili

Houma

Tues  13/02/2018

Mataika, Halaleva

‘Utulau Ha’alalo

Wed   14/02/2018

Anana, Houmakelikao

Ha’akame

Thurs 15/02/2018

Fangaloto, Touliki

Te’ekiu

Fri       16/02/2018

Umusi, Popua, Patangata

Masilamea

Mon   19/02/2018 – Tues 20/02/2018

Maufanga

Nukunuku

 

 

 

Wed 21/02/2018  -  Thurs 22/02/2018

Fasi moe Afi

Sia’atoutai , Fatai, Matafonua

Fri 23/02/2018      - Mon 26/02/2018

Kolofo’ou

Matahau ,Lakepa

Tues 27/02/2018

Vaololoa, Longolongo

Kahoua, Lomaiviti

Wed 28/02/2018

Kapeta, Tuatakilangi

Matangiake, Liahona

Thurs  01/03/2018

Halaovave, Halaano

Niutoua, Afa

Fri       02/03/2018  -  Mon 05/03/2018

Kolomotu’a

Kolonga

Tues   06/03/2018

Tufuenga, Isileli

Navutoka

Wed   07/03/2018

Sopu, Hofoa

Manuka

Thurs 08/03/2018

Ha’ateiho

Makaunga

Fri      09/03/2018

Veitongo

Talafo’ou

Mon  12/03/2018

Lotoha’apai

Nukuleka

Tues  13/03/2018  -  Wed  14/03/2018

Vaini

Hoi,Talasiu, Lapaha

Thurs 15/03/2018

Longoteme

Lapaha

Fri 16/03/2018

Folaha

Tatakamotonga

Mon   19/03/2018

Nukuhetulu

Tatakamotonga,

Tues   20/03/2018

 

Malapo

 

Holonga

Wed   21/03/2018

Tatakamotonga

Alakifonua

 

NGATA’ANGA

Last Updated ( Monday, 05 February 2018 16:20 )