Home / THE PUBLIC SERVICE / 14 Govt. Ministries / Prime Minister's Office / 'Uluaki Me'a 'a e 'Eiki Palemia Nopele Tu'ivakano ki he fonua

'Uluaki Me'a 'a e 'Eiki Palemia Nopele Tu'ivakano ki he fonua

E-mail Print PDF
23 Tisema 2010  Ko e 'Uluaki Me'a eni 'a e 'Eiki Palemia, 'Eiki Nopele Tu'ivakano, ki he Fonua hili 'a hono fakanofo 'e he 'Ene 'Afio, Kingi Siaosi Tupou V 'i he efiafi 'o e 'aho 23 'o Tisema, 2010.

Tapu mo e Hau ‘O e ‘Otu Tonga, Kingi Siaosi Tupou V,

Tapu mo e Ta'ahine Kuini Fehuhu, Kuini Halaevalu Mata'aho, Kae'uma'a ‘a e Fale ‘0 Ha'a Moheofo,

Tapu mo e Tama Pilinisi Tu'ipelehake mo e Hou'eiki ‘o e Fonua,

Tapu mo Molofaha mo Maliepo mo Ha'a Matapule,

Tapu mo e Kau Taki Lotu mo Ha'a Taula'eiki,

Pea Tapu Moe Tangata'i Fonua Moe Fefine'i Fonua Hono Kotoa ‘Oe ‘Otu Tonga, Kae Ataa Mu'a Ke Fakahoko Atu Ha Fakamalo Mo Ha Fakafeta'i Kihe Ngaahi Ikuna Faka-Hisitolia Kuo Toki Fakahoko
Ni ‘Ihe Fonua..

‘Ihe Loto ‘Apasia Mo Fakafeta'i Mo'oni, ‘Oku Ou Hapai Hake ‘Ae Tuku Kololia Kihe Tu'i ‘Oe Langi, Koe'uhi Ko ‘Ene Ngaahi Alo'ofa Ma'ongo'onga Koia Kuone Tapuekina ‘Aki ‘Ae ‘Otu Tonga, Talu Mei Ono'aho. Pea ‘Ihe ‘Aho Ni, Kuo Ne Toe Fakakoloa Makehe ‘Ae Fonua, ‘Aki ‘A ‘Ene Fakakakato Mai ‘Ae Ngaahi Monu'ia Faka'otua .Oe Fa'unga Fakapolitikale, 'A ia Na'ane Tanupou ‘Aki ‘Ae ‘Otu Anga'ofa.

‘Ihe Loto Ma'ulalo Mo Hounga'ia Mo'oni, ‘Oku Ou Fakafofonga'i Atu Heni Kihe ‘Ene ‘Afio Ko Kingi Siaosi Tupou V, Koe Tu'i ‘Oe ‘Otu Tonga, Kae'uma'a Foki ‘Ae Fale ‘O Ha'a Moheofo, ‘Ae Fakafeta'i Moe Loto Hounga'ia Mo'oni Meihe Pule'anga , Kae'uma'a ‘Ae Tangata'i Fonua Moe Fefine'i Fonua Hono Kotoa , Koe'uhi Koe Ngaahi Taki Faka'otua Pea Moe Ngaahi ‘Ofa ‘Aufuato Kuo Mou Fai Tapuekina ‘Aki ‘Ae ‘Otu Tonga Talu Mei Ono'aho.

‘Io, He Koe Ngaahi Poumaama Fakalangi Koia Ne Taloni ‘Aki ‘E Ha'a Moheofo Talu Mei He ‘Uluaki Fa, Pea Tafe Touliki Lauikuonga Mei Ai ‘Ae Ngaahi Fangu Malingi Fisifisimu'a Mei Fale Lahi, ‘Aia Kuo Nau Fakakoloa ‘Ae Fonua, Koia Ia ‘Ae Ngaahi Tahi'i Makakoloa Kuo Lopakaki Kiai ‘Ae ‘Otu Tonga Ke Tuputupu'a.

‘Ihe Laumalie ‘Oe Fakafeta’i Ni Pea Moe Loto Ma’ulalalo Mo Hounga’ia Mo’oni, ‘Oku Ou ‘Oatu Heni ‘Ae Fakamalo Moe Fakafeta’i Kihe Afeitaulalo ‘A ‘Ene ‘Afio Ko Kingi Siaosi Tupou V, Hili ‘Ae ‘Ofa ‘Ae Hou’eiki ‘Oe Fale Alea ‘O Foaki Mai ‘A ‘Enau Falala , Ke Fakakoloa ‘Ae Motu’a Ni ‘Aki ‘Ae Tu’unga Taukakapa ‘O Hono Pule’anga, Koe ‘Uluaki Palemia ‘O Tonga, Hili Koia ‘A 'Ene Fakaa’u Mo Fakakakato ‘Ae Ngaahi Fakalelei Fakapolitikale ‘A Ha’a Moheofo Ma’ae ‘Otu Tonga..

Ka Koe Fakafeangai Ma'ulalo ‘Oku Fai Ni, ‘E ‘Ikai ‘Aupito Ke Kakato , ‘O Kapau He ‘Ikai Ke Puke Aileva ‘Ae Faingamalie Ni ,

Pea Fai Ai Leva Ha Huu Louifi ‘Ihe Laumalie Mohu Meesi ‘Oe Kilisimasi , Kae Feia Atu Heni Ha Kole Fakamolemole Kihe ‘Ene ‘Afio Koe Tu'i ‘Oe ‘Otu Tonga, Koe'uhi Koe Mofia Na'e Hoko Kihe Fonua‘Ihe Aho 16 Novema 2006,

‘Io, Pea ‘Oku ‘Oatu ‘Ae Kole Fakamolomole Ni Pea Moe Tukupa, Ke Toe Malu Ange ‘A ‘Emau ‘Ofa'i,Faka'apa'apa'i Pea Mo Malu'i ‘Ae Fonua.

‘Oku Ou ‘Oatu Foki Heni Ha Fakamalo Loto Hounga Mo'oni Kia Toketa Feleti Sevele, ‘Eiki Palemia Malooloo ‘O Tonga, Ki Ho'o Fuesia Moe Loto Mateaki Fonua ‘Ae Fatongia Mamafatukituki Koia Koe Taki ‘Oe Pule'anga Tonga,Pea ‘Ihe Ngaahi ‘Aho Foki Na'e Tanunu Makehe Ai ‘Ae Ngaahi Pole Kihe Fonua.

‘Ikai Koia Pe, Kae Fakataha Pea Moe Hou'eiki Minisita Malooloo ‘Oe Pule'anga , Na'a Mou Ikuna'i 'Ihe Laumalie ‘Oe Fakahoko Fatongia Taau Ma'ae Kakai ‘Oe Fonua, ‘Ae Ngaahi Ikuna Kafakafa Mo Faka-Hisitolia Mo'oni Ma'ae Fonua.

Makehe Atu Meihe Ngaahi Fatongia Maheni ‘Oe Taki ‘Oe Fonua , Na'a Mou Toe Fataki Foki Moe Ngaahi Pole Lalahi Makehe ‘Oe Kuonga Ni, O Hange Koia Koe Tolalo Fakamamani- Lahi ‘Ae 'Ikonomika ‘Aia ‘Oku ‘Inasi Ai ‘Ae Fonua, Ko Hono Kei ‘Unuaki Pe ‘Oe Ngaahi Langa Fakalakalaka Lalahi ‘Ihe Ngaahi Sekitoa Kehekehe ‘Oe ‘Otu Tonga Neongo ‘Ae Ngaahi Faingata'a Faka'ekonomika , Kae'uma'a Foki ‘A Hono Maatatali ‘Oe Ngaahi Fakatamaki Moe Ngaahi Faingata'a Makehe Na'e Hokosia Kihe Fonua.

‘Ikai Koia Pe, Ka Na'a Mou Toe Fuesia Foki Moe Ngaahi Ngaue Kafakafa Makehe Koia Na'e Pau Ke Ikuna'i, Kae Malava ‘Ae Fakalelei Fakapolitikale Koia ‘Oku Tau Polepole Ai ‘Ihe ‘Aho Ni. ‘Io, Ko Ho'o Mou Ngaahi Fai Fatongia ‘Osikiavelenga Ni, ‘E Tongi Ia ‘Ihe Hisitolia ‘Oe ‘Otu Tonga ‘O Lauikuonga.

Kihe Hou'eiki Fakafofonga Fakavahe ‘Oe Fonua, Kae'uma'a ‘Ae Kau Fakafofonga ‘Oe Ngaahi Vahenga Fili Kotoa ‘O Tongatapu, Vava'u, Ha'apai, Niua Fo'ou Mo Niuatoputapu ,Kaeuma'a ‘A ‘Eua,

‘Oku Ou ‘Oatu Heni ‘A ‘Eku Fakamalo Loto Hounga Mo'oni Koe'uhi Ko Ho'omou Foaki Mai ‘Ae Falala Fe'unga Kiate Au Keu A'usia Ai ‘Ae Tu'unga Pea Moe Fatongia Matu'aki Mahu'inga Ko'eni.

Koe Fonua Ni Ko Hotau Fonua ‘Ofa'anga, Koe Fatongia Ni Ko Hotau Fatongia . Koia Ai, Foaki Kakato Mai Mu'a Ho Loto ‘Ofa Fonua, Ho LauMalie Ngaue Fakataha, Ho Ivi Hiki Fonua, Kae'uma'a Ho'o Ngaahi Taukei Moe Mataotao, Ke Tau Kaunga Fataki ‘Aki Hotau Fatongia Ni, ‘Aia Kuo Tau Kaungaa Poletaki Kiai Ma'ae Fonua.

‘Ihe ‘Aho Ni, ‘O Hange Pe Koia ‘Oku Mea'i ‘Ehe Fonua , ‘Oku ‘Iai ‘Ae Ngaahi Pole Mamafatukituki Kihe Pule'anga Hono Kotoa, ‘O Kau Ai ‘A Tonga Ni. ‘Ihe ‘Ikonomika, Neongo ‘Ae Holoa ‘O ‘Etau Ngaahi Tefito'i Ma'u'anga Pa'anga, ‘O Hange Koia Ko ‘Etau Fakatau Koloa Ki Muli, Tukuhau Hu Koloa Mei Muli, Pea Moe Pa'anga Hu Mai MeIhe Ngaahi Famili ‘I Muli, Ka ‘Oku Tau Kei Malava Pe ‘Ae Fakapa'anga ‘Oe Ngaahi Fiema'u. Pea Koe Fakakakato ‘Oe Ngaahi Fatongia Koeni, ‘Oku Lava Ia ‘Ihe Ngaahi Tokoni Mei Muli. Koe Pole ‘Oe ‘Aho Ni, Ke Pukepuke Aipe ‘Oe Ngaahi Fakamole, Fakataha Moe Feinga Ke Tupu Hake ‘Ae Ngaahi Pisinisi Fakatupu Pa'anga.

‘Ihe ‘Aho Ni, ‘Oku ‘Iai ‘Ae Ngaahi Pole Kihe Tu'unga Ma'olunga ‘Oe Ako Faka'ekatemika ‘Aia Kuopau Ke Tau Fakalelei'i. ‘Ihe Taimi Tatau ‘Oku Matu'aki Fiema'u Ke Hokohoko Atu ‘Ae Langa Hake
‘Oe Ngaahi Ako Fakatekinikale Mo Faka-Vokasio. ‘Io, He Koe Ako Foki Moe ‘Ilo Koe Matavai Mo'ui Ia ‘Oe Fonua, Pea Kuopau Ke Tau Hiki'i Ia Kihe Tu'unga Ma'olunga Taha ‘Ihe Kuonga Hono Kotoa, Kae Kei Lalaka Aipe ‘A Tonga Ki Mu'a.

‘Oku Lolotonga Lele-‘I-Matangi Aipe ‘Ae Ngaahi Fakalakalaka ‘Oe Ngaahi Fale Mahaki, Pea Moe Ngaahi Sevesi Kihe Mo'ui ‘Ae Kakai, Neongo ‘Ae Ngaahi Faingata'a Fakapa'anga ‘Oe ‘Aho Ni. ‘E Kei Tu'ulahoko Aipe ‘Ae Ngaahi Palani Ngaue Fakalakalaka Kuo ‘Osi Fakatoka Ke Kei Hiki'i Hake Aipe ‘Ae Tu'unga Mo'ui Lelei ‘Ae To'u Tangata Hono Kotoa.

Koe Tauhi Hotau Va Lelei, Fengaue'aki Mo Fefaka'apa'apa'aki Moe Ngaahi Fonua Muli, Kae'uma'a ‘Ae Ngaahi Kautaha Tokoni Faka-Vaha'a-Pule'anga, Koe Ngaue Ia ‘Oku Pelepelengesi, Pea‘Oku Matu'aki Mahu'inga ‘Aupito Kihe Mo'ui Moe Langa-Fakalakalaka ‘Oe Fonua Ni. ‘Ihe ‘Aho Ni, ‘'Oku Longomo'ui Mo Laumalie Lelei ‘A Hono Fakalekesi, Pea Mo Hono Tauhi Ke Kaukaua Mo Fakalakalaka Ma'upe Ki Mu'a ‘Ae Ngaahi Vaa Mahu'inga  Ni.

‘Ihe Faka'osi ‘Oe Fakahoha'ani, ‘Oku ‘Ou ‘Oatu Ai ‘Ae Kole Ni Kihe Hou'eiki Pea Moe Kakai ‘Oe ‘Otu Anga'ofa.

'Uluaki, ‘Oku Ou Fakamanatu Atu Ko Hotau Tefito'i Fatongia Koe Tauhi ‘Oe Ma'uma'uluta ‘Oe Nofo ‘A Kainga, He Koe Fauniteni Tafetouliki Ia ‘Oku Mo'ui Ai ‘Ae Fonua.

‘Ikai Koia Pe, Kae ‘Ihe Laumalie Tatau, ‘Oku Pau Foki Ke Tau Tauhi Moe Ngaahi Molumalu Moe Ngaahi Faka'apa'apa ‘O Hotau Fonua, Kihe ‘Ene ‘Afio Koe Tu'i ‘Oe ‘Otu Tonga, Ki Hotau Pule'anga Temokalati Fo'ou, Pea Kihe Pule Foki ‘Ae Lao.

Kia Hou'eiki Pea Moe Tangata'i Fonua Moe Fefine'i Fonua Kotoa , Tuku Mu'a Keu Fakamanatu Faka'osi Atu :-

Ko Kitaua Kuo Fili ‘Ehe ‘Otua Ke Ta ‘A'eva ‘Ihe ‘Otu Tonga ‘Ihe ‘Aho Fakahisitolia Koeni.

Ko Kitaua Kou Fili ‘Ehe ‘Otua Ke Ta Taa ‘Ae ‘Uluafi ‘I Hono Taakiekina ‘Ae Kuonga Fo'ou Koeni.

Ko Kitaua Kuo Fili ‘Ehe ‘Otua Ketau Kaunga Taakiekina, Kaunga Kaatekina, Kaunga Fakama'opo'opo, Mo Kaunga Fakama'uma'uluta ‘Ae Nofo ‘Ae Fonua.

Io, Pea Ko Kitaua Foki Kuo Ne Fili Keta Lotua Mo Hufia Ke Ne Tapuekina. Mo Fakamalumalu Kihe Ki Tonga.'I Hota Kuonga ,

Koia Ai, ‘Ihe Laumalie ‘O Hotau Ngaahi Ui Fakalangi Makehe Ni Ki Hotau Kuonga Ni, ‘Oku Ou Fakafe'i Atu ‘Ae Tonga Kotoa , Ke Mou Me'a Mai Ke Tau Toe Kaunga Fakamo'oni'i, Mo Kaunga Hapai ‘I he ‘Aho ni, ‘A Hotau Tala ‘a ia Na'e Tanupou ‘aki ‘e he ‘Uluaki Fa  ‘a e ‘Otu Tonga,----

" Koe ‘Otua Mo Tonga ‘A Hoku Tofi'a"

Fakatauange Ke Mou Ma'u Hono Kotoa Ha Kilisimasi Kelesi'ia Mo Fiefia, Pea Mo Ha Ta'ufo'ou Melino Mo Monu'ia.


TU'A 'OFA ATU.

Mei he: 'Ofisi 'o e Palemia, Nuku'alofa, 2010.

Last Updated ( Friday, 08 July 2011 21:28 )  

Who's Online

We have 638 guests online

CONSULATES/EMBASSIES

PUBLIC ENTERPRISES