Home / SPEECHES / Parliamentary Addresses

Parliamentary Addresses

Address from the Throne delivered by The King, or His Representative at the Opening and Closing of Parliament sessions since 2008.

2012

  • 7 June 2012

2011

  • - 2 June 2011: Opening Address from the Throne (His Majesty King George Tupou V)
  • - 13 January 2011: Address at First Meeting of the Legislative Assembly (Princess Salote Mafile'o Pilolevu Tuita)

2010

  • - 24 November 2010: Address the Nation (preparation of new government - His Majesty King George Tupou V)
  • - 30 September 2010: Closing Address of Parliament (Delivered by Lord Vaea, Lord Ma'afu & Baron Fielakepa)

2009

  • - 28 May 2009: Opening Address from the Throne (His Majesty King George TupouV)

2008

  • - 6 November 2008: Closing Address by The Princess Regent, HRH Princess Salote Mafile'o Pilolevu Tuita



To Folofola 'a 'Ene 'Afio Tupou VI: Huufi Fale Alea 13 Sune 2013

E-mail Print PDF
13 Sune 2013 Ko e tatau 'o e To Folofola mei he Taloni, 'a 'Ene 'Afio Tupou VI 'i he lolotonga hono Huufi 'o e Fale Alea 'o e ta'u 2013 he 'Aho 13 Sune 2013 'i Nuku'alofa

.

‘Eiki Sea, ‘Oku ou tuku ‘a e fakamālō ki he Tamai Hevani ‘i he ‘ene tauhi mai kitautolu ki he kamata'anga ‘o e Fakataha Alea ‘o e ta'u koeni, ‘oku ke laumālie lelei pē kaeuma'a ‘a e ‘Eiki Palēmia, Hou'eiki Minisita 'o e Kapineti, Hou'eiki Nopele pea mo e kau Fakafofonga 'o e Fale Alea.

‘Oku kei ‘i ha tu'unga uēsia ngofua ‘a e tu'unga faka'ekonomika fakamamani lahi ‘i ha ‘atakai ‘oku to e vaofiange ‘a e fekau'aki ‘a e ngaahi pule'angá, koia, ‘oku to e lahiange ai ‘a e ngāue ‘e fiema'u ke fakahoko ke malu'i ho tau fonua mo ‘e tau ‘ikonomí mei hano uesia ‘e  he ngaahi feto'aki ‘a e tūkunga fakamāmani lahi.

Ko e uho ‘o e fakalakalaka ‘o e fonua ‘a hono tu'unga faka'ekonomiká, koia ‘oku fakatokanga'i ‘a e ngaahi ngāue kotoa kuo fakahoko ‘o fakataumu'a ki ha ngaahi faingamālie ki he fakalakalaka ‘e tolonga.   ‘I he ‘ene pehe, ‘oku ‘iai ‘a e poupou ki he ngaahi ngāue kotoa, kuo palani ke ngāue vaofiange ‘a e ngaahi kupu fekau'aki, ke langa hake ‘a e tu'unga faka'ekonomika mo fakasosiale ‘o e fonua, ‘i he ngaahi Kaveinga koení:

1. Ke to e leleiange hono ngāue'aki ‘o e Ma'u'anga Ivi fakafo'ou mo tolonga: ‘Oku tau fakatokanga'i ‘a e ngaahi ngāue ‘oku fakataumu'a ke holoki ai ‘a e tu'u uesia ngofua ‘a e fonua ki he fetō'aki ‘o e totongi ‘o e loló pea ke lahiange ‘a e faingamālie ki he Ma'u'anga Ivi Fakafo'ou, ‘o fakatatau ki he Palani Ngāue ‘a e Fonua ki he Ma'u'anga Iví.   ‘E tokoni ‘a e ngaahi mau'anga ivi fakafo'ou koení ke holoki ‘a e totongi ki he lolo pea ke to e lahiange ‘a e  faingamālie ma'ae kakai ‘o e fonua;  ke to e hiki hake ai ‘a e tūkunga ‘o e mo'ui; pea mo e langa Fakalakalaká.

2. Ke tokonia ‘a e kakai ‘o e fonuá. ‘Oku fakafaingamālie'i ‘a e tokoni koeni ‘i he fokotu'u koia ‘i he ta'u kuohilí ‘o e Polokalama ke tokonia ‘a e Kau Toulekeleká.  ‘Oku to e fakatokanga'i mo e fokotu'u

ke fakalahi ‘a e ngāue ni, ke ma'u faingamālie ai mo ha ni'ihi ‘o e fānau akó pea pehē kia kinautolu ‘oku faingata'a'ia.   ‘Oku fakafiefia ‘a e Polokalama tokoni koeni ki he kakai koe'uhi neongo ‘a e  fakangatangata ho tau ivi fakapa'anga, ‘oku kei ‘iai pē ha polokalama ‘oku ne tokonia ‘a e kakai ke nau matu'uaki ‘a e ta'au ‘o e taimí pea ke malu'i mo kinautolu koia ‘oku faingata'a'ia.

3. Fakalelei'i 'o e ngaahi Tu'utu'uni ki hono fakalele ‘o e pisinisi.  ‘Oku tau fakatokanga'i ‘a e ngāue koia ke fakasi'isi'iange ‘a e mafasia ‘a e ngaahi pisinisí ‘i hono fuesia ‘a e ngaahi Tu'utu'uni Ngāue ka, ‘i he taimi tatau, ‘e kei tauhi pē ‘a e tu'unga ma'olunga ke a'usia ‘e he ngaahi pisinisi fo'ou. ‘Oku ‘amanaki ‘e tokoni ‘a e fakalelei tu'utu'uni koeni ki he fakatupu koloa ‘i he sekitoa taautaha pea ke to e lahiange ‘a e ngaahi faingamālie ngāué.  ‘Oku ‘iai mo e ‘amanaki ‘e hiki hake ‘a e tu'unga ‘o e ngāue Takimamata  ‘i he fokotu'u koia ‘o e Ma'u Mafai fo'ou ki he Takimamatá pea ke to e lahiange ai mo e ngaahi faingamālie ki hono fakamaketi; pa'anga hu mai pea mo e faingamālie ngāue ki he kakai ‘o e fonua ‘i he lolotonga koeni ‘oku ‘iai ‘a e ngaahi pole ‘oku fehangahangai mo e ngaahi sekitoa kehe, ‘o hangē ko e Ngoué moe Toutai.

4. Fakalelei'i ‘o e tu'unga ‘o e Ako Ngāue: ‘Oku ‘amanaki ‘e hoko ‘i  hono to e fakalelei'i koia 'o e ‘Apiako Folau Tahi,  ke to e lahiange mo leleiange ‘a e faingamālie ngāue ‘o kinautolu koia te nau fie hoko atu ‘i ha ngaahi ako fakatekinikale ki ha tu'unga ‘oku to e ma'olungaangé, ‘o ‘ikai ke ngata pē ki he ngāue ‘i Tonga ni ka ki he ngaahi fonua Mulí foki.

5. ‘Oku fakafiemālie ‘a e Polokalama Ngāue mo e Pule'anga ‘o Nu'usila mo ‘Aositeleia, ki he folau atu koia ho tau kakai ke ngāue ‘i ongo fonua koeni.   ‘Oku ‘iai ‘a e faka'amu ‘e ako ai ho tau kakai ha ngaahi taukei ngāue mo e ‘ilo makehe ‘i he lolotonga ‘o ‘enau kau ki he Polokalama Ngāue koeni, pea lava ke ma'u ai ha lelei fakalukufua ki he fonua ‘i he kaha'u pea pehē ki ha faingamālie ki he maketi ‘o e ngaahi fonua muli.  Koia, ‘oku totonu ke hokoatu ‘a e ngāue ke tokoni'i mo faka'ai'ai ‘a e kau ngāue ‘oku nau fiema'u ‘a e ngaahi ‘ilo fo'ou mo e poto'i ngāue ‘i he ngaahi faingamālie pehē ni.   ‘E lava ke fokotu'u heni ha founga ke tupulekina ai ‘a e tokolahi ‘o e to'utangata ‘oku nau fiema'u ‘a e ngaahi taukei ngāue, ke fakapapau'i te nau lava pe mo'ui ‘i he fa'ahinga ma'u'anga ngāue pé.

6. ‘Eiki Sea, ‘oku fakatokanga'i ‘a e ngaahi ngāue ‘oku lolotonga fakahoko ki he Sino'i Pa'anga Malōlō mei he Ngāue, pea pehē ki he ngāue ke langa hake ha tu'unga fakasosiale ‘aia ‘e fakatokanga'i lelei ai ‘a kinautolu ‘oku fakahoko fatongia lelei.  ‘Oku fiema'u foki ke fakapapau'i ‘e malu ‘a e kaha'u ‘o e to'utangata ka hokó pea ‘i ha ‘atakai ‘oku melino mo malu.

‘0ku ‘oatu ‘a e fakamālō ki he ngaahi fonua Muli kotoa ‘oku nau tokoni mai ki he langa fakalakalaka ‘o e fonua,  ‘o kau kiai ‘a e Pule'anga ‘o ‘Aositelelia, Siapani, Nu'usila, Lepupilika ‘o e  Kakai ‘o Siaina  mo e Pule'anga Fakatahataha ‘o ‘Iulope pea pehē foki ki he Pangikē ‘a Mamani mo e Pangike ‘a ‘Esia.

‘Eiki Sea, ‘oku ou to e fie poupou atu ki he mahu'inga ke ngāue fakataha kae lava ke ‘iai ha fakalaka ‘i he kaveinga koia ke ‘unuaki ‘a Tonga kimu'a.    Ke hokohoko atu ‘a e fakatupu ‘o e ngaahi faingamālie ‘o makatu'unga ‘i he tupu ‘i he ngaahi tapa kotoa ‘oku tu'uloa.

‘Ofa ke mou ma'u ha to'u Fakataha Alea lelei.


NGATA'ANGA


Tukuatu mei he: Potungaue Fakamatala moe Fetu'utaki, Nuku'alofa, 2013. 13 Sune 2013



 

Who's Online

We have 422 guests online

PUBLIC ENTERPRISES