Home / SPEECHES / General Statements

General Speeches

Here you will find a record of key figures in Government's speeches and transcripts of press conferences and media interviews from May 2008 onwards.

This section also outlines speeches and transcribes messages from Ministers of Cabinet, head of departments and members of the Royal Family duriing formal and official occasions and events.

ALSO:



Lea Talitali : 'Aho 'o e Ako 'i he Vahefonua Vava'u

E-mail Print PDF

Tapu mo e ‘Afio ‘a e Ta’ehamai
Tapu mo e Hau ‘o e ‘Otu Tonga – King Tupou vi mo e ta’ahine Kuini – Nanasipau’u
Tapu mo e Kuini Fehuhu – Halaevalu Mata’aho
Tapu mo e Pilinisi Kalauni – Tupouto’a ‘Ulukalala Lavaka pea mo e Pilinisesi Kalauni – Sinaitakala Tuku’aho
Tapu mo Pilinisesi Salote Mafile’o Pilolevu Tuita mo e fuifuilupe ‘o e loto palasi.
Tapu mo Nopele Fulivai – Kovana Vava’u mo Hou’eiki
Tapu mo e ‘Eiki Palemia ‘o Tonga, Lord Tu’ivakano mo e Hou’eiki Minisita ‘o e Kapineti.
Tapu mo e hou’eiki falealea ‘o Tonga
Tapu mo e hou’eiki mei Fisi – ‘Eiki Ganilau and Lady Ateca Mara Ganilau kae’uma’a ‘a Ratu Tevita Mara.

Fakatapu kia Fotu mo Afu mo Ha’a Tauhi Fonua.
Fakatapu ki he faifekau faka Tu’I mo e Palesiteni ‘o e siasi Uesiliana Tau’ataina ‘o Tonga – Faifekau Toketa ‘Ahio mo Ha’a taki lotu.

Vakalahi, ‘oku mafana pea fakatuputupu langi ‘a e fiefia ‘a e ‘Eiki Minisita ‘o e Ako moe Ako Ngaue, Dr. ‘Ana Maui Taufe’ulungaki kae’uma’a ‘a e hako tupu, ko e fale Maama ‘o e Lolo ‘a Halaevalu ke talitali lelei ‘a hono ha’elea ‘e he Tama Tu’i ‘o Vava’u ‘isa ‘a e Tu’i ‘o e ‘Otu Tonga kae’uma’a hona fale ‘a e kelekele tupu’a ‘o Fangatongo ki ha ouau nounou pe ki hono katoanga’i mo fakamanatu ‘e he ngaahi ako kotoa ‘o Vava’u lahi ‘a e Fakahifo ‘o e Tama Tu’i.

Kuo tuku mai ha kapasa mahino ‘e he ‘uluaki fa ke hoko e ako mo e lotu ko e lou ‘olive ‘e ua ke fatu mei ai ‘a e mo’ui ma’uma’uluta ‘a e Tonga. Ne hoko mai mo e tala fungani mei he kuonga hono tolu ke tokanga ‘a e Tonga ke fekumi ki he poto pea ke vakili ki he ‘ilo loloto he ko e hakeaki’i’anga ia ‘o e ma’uma’uluta mo e fakalakalaka ‘a Tonga.

Ko e ‘ilo loloto ki ha felalave’i ‘a e nofo mo e tauhivaha’a faka Tonga ke ne ha’i ‘a e poto mo e ‘ilo pea kuo a’u ai ki he kuonga hono ono mo e fakamanatu mai ‘a e mahu’inga ‘o e fale pou fitu ‘o poto. Ko poto ko e tokotaha mo’oni ‘oku mo’ui mo ngaue.

‘Oku ne fakava’e hono fale ‘aki ‘a e ngaahi pou ‘e fitu, ‘oku nau fakafofonga’i ‘a e ivi ‘aonga atu ‘o e poto faka Hepelu ‘a e kakai Siu ki he fa’ahinga kakai pe, ko e taha ‘o e ngaahi pou ni ko e ‘ilo loloto.

Vakalahi, fakamolemole atu na’a to nounou e fatongia mo e kakala fungani ‘o e ‘aho kae faka’ata pe mu’a ho Pangai ke fakahoko atu e fiefia ‘a e Fonua.

Leveleva e Malanga

‘Emeli Pouvalu (‘Ofisa Pule Ngaue, Potungaue Ako moe Ako Ngaue )

 
Page 3 of 76

Who's Online

We have 674 guests online

PUBLIC ENTERPRISES