Fakanofo ‘e he ‘Ene ‘Afio ‘a Hon. Samuela ‘Akilisi Pohiva ko e Palēmia ‘o Tonga

E-mail Print PDF

04 ‘o Sanuali, 2017 English l Tongan Kuo mokoi ‘a e finangalo ‘o ‘Ene ‘Afió, Tupou VI, ke fakanofo ‘a Hon. Samuela ‘Akilisi Pohiva, ko e ‘Eiki Palēmia ‘o Tonga, ‘o hangē ko e fokotu’u kuo fakahoko mei he Fale Alea, ‘o fakatatau ki he kupu 50B ‘o e Lao ‘o e Konisitūtone.

‘E kamata lau ‘a e lakanga Palēmia ni, mei he ‘aho na’e fakanofo ai, ‘a ia ko e ‘aho 2 ‘o Sanuali, 2018.

Kimu’a ‘i hono toe fili ki he lakanga Palēmia ‘e he Fale Alea, hili ‘a e fili ‘o e 2017, na’e hoko ai ‘a Hon. Samuela ‘Akilisi Pohiva ko e Palēmia hono 16 mei he ta’u 2015-2017.

Kuo hoko ‘a Hon. Samuela ‘Akilisi Pohiva ko e fakafofonga Falea Alea ma’a e kakaï fuoloa taha mo e mēmipa loloataha he Fale Alea ‘o Tonga, talu hono fili ia ko e fakafofonga ‘o e kakai ki Fale Alea ‘i he 1987.

Ko e Palēmia eni kuo ne fakahoko fatongia he ngaahi lakanga Faka-Minisitā kehekehe he ngaahi Pule’anga kimu’a, ‘a ia na’a ne hoko ko e ‘Eiki Minisitā Mo’ui, ‘Eiki Minisitā ki he Ako mo Akongāue, ‘Eiki Minisitā ki he ngaahi Ngāue Fakalotofonua mo e ‘Eiki Minisitā ki Muli.

Ko e teemi hono ua eni ‘o e ‘Eiki Palēmia ‘a ia te ne hoko atu mei he ta’u 2018 2021, ko e ‘Eiki Palēmia ‘o Tonga hono 17.

‘Oku ‘amanaki ke fakahoko fakapule’anga atu ‘e he ‘Eiki Palēmia ‘i he ngaahi uike ka hoko maï ‘a ‘ene Hou’eiki Minisitā ki he Kapinetï.

NGATA’ANGA

Tuku atu mei he: ‘Ofisi ‘o e Palēmia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644 Fax: (676) 23 888; Ngaahi Faka’eke’eke- Email: This e-mail address is being protected from spambots. You need JavaScript enabled to view it Uepisaiti: www.pmo,gov.to

Last Updated ( Thursday, 04 January 2018 09:39 )  

Who's Online

We have 326 guests online

PUBLIC ENTERPRISES