Konivesio a e Pule’anga Fakatahataha ki hono tau’i ‘o e faihala

E-mail Print PDF

20 'o Me 2015 English | Tongan  Ke fakapapau’i oku fai e tali ui ki he kakai, fai lelei moe pule lelei ‘e he kau fakafofonga ‘o e kakai ki Falealea, na’e fakahoko ai ‘a e ako ‘aho ‘e ua ‘o faka’osi ki Me 13 ke fakamalohi’i ‘a e kau fakafofonga ke nau ngaue’aki ‘a e founga ki hono fakafepaki’i e faihala.


‘I he me’a fakaava ‘a e ‘Eiki sea ‘o e Falealea, ‘Eiki Nopele Tu’ivakano, na’a ne kole ai ki he kau fakafofonga ki he ako, ‘a ia ko e kau fakafofonga ki he fale, ke nau fakatokanga’iange mu’a ‘a e mahu’inga ke fakafepaki’i ‘a e faihala.

Ko e ako ni ki he faihala mo e konivesio 'a e Pule’anga Fakatahataha ki hono tau’i ‘o e faihala (UNCAC), na’e taumu’a ke fakahaa’i ki he kau ako ‘a e ngaahi fiema’u mo ngaue’aki ‘a e founga ke fakafepaki’i e fai hala ke ngaue’aki ‘a e fakalelei ko eni ki hono fakafepaki’i e faihala ‘i Tonga ni pea ke fenapasi mo e fiema’u ‘a e konivesio ‘a e Pule’anga Fakatahataha ki hono fakafepaki’i ‘o e faihala.

Na’e fakahoko ai ‘e he ‘Eiki Palemia, Samuela ‘Akilisi Pohiva ha’ane fakamatala ki he’ene fononga he mala’e ‘o e politikale ‘i he ta’u ‘e 30 kuo hili mo e tupulekina ‘a e ngaue fakapolitikale talu mei he liliu fakapolitikale he 2009, ‘o iku ai ki he to e fakatemokalatiange ‘a e Pule’anga ‘i he 2010.

Ko e ako ni ko e faingamalie ia ke langa’i hake ‘a e maa’usia ‘a e Falealea ‘o Tonga ke nau ohi ‘a e pule lelei mo fakafepaki’i ‘a e faihala.



NGATA’ANGA

Tuku atu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; NgaahiFaka’eke’eke- Email: This e-mail address is being protected from spambots. You need JavaScript enabled to view it

Last Updated ( Wednesday, 20 May 2015 10:28 )  

Who's Online

We have 653 guests online

PUBLIC ENTERPRISES