“Fakamanatua ‘o e ‘Aho Malōlō ANZAC mo e ngaahi ‘aho malōlō faka-Pule’anga”

E-mail Print PDF

21 'Epeleli 2015 English | Tongan Koe’uhí ko e ngaahi faka’eke’eke felave’i mo e ‘aho mālōlō ANZAC Day, ‘a ia ‘oku ‘amanaki ke fakamanatu he Tokonaki 25 ‘o ‘Epeleli, ko e ta’u ni ko e ‘aho mālōlō ko ia ‘e fakamanatu pe ia he ‘aho totonu ‘oku hoko ai.
Ko e ngaahi ‘aho malōlō tatau ‘oku fakamanatu pe he ‘aho totonu ‘oku hoko ai ‘oku kau ai ‘a e ‘Aho Kilisimasi; ‘Uluaki ‘aho ‘o e ta’u; ‘Aho Foaki Me’a’ofa (Boxing Day); Falaite Lelei mo e Monite Toetu’u.

Ko e ngaahi ‘aho malōlō fakapule’anga pau ‘o Tonga ni ‘oku fakamanatu ia he ta’u kotoa ‘o fakatatau ki he Lao (Fakatonutonu) ki he Ngaahi ‘Aho Malolo Faka-Pule’anga 2010, ‘a ia ‘oku pehe: ” kapau ‘oku ‘i ai ha ngaahi ‘aho malōlō Faka-Pule’anga ‘e hoko‘i he ‘aho Tu’apulelulu, Falaite, Tokonaki mo e Sapate, ko e ‘aho mālōlō faka-

Pule’anga ko ia kuopau ke fakamanatu ia ‘i he ‘aho Monite ‘oku hoko mai ki he ‘aho ko ia- pea kapau kuo hoko‘i ha ‘aho Tusite pe Pulelulu, ko e ‘aho mālōlō faka-Pule’anga ko ia kuopau ke fakamanatu ia‘i he Monite kimu’a ‘o e ‘aho totonu ‘o e ‘aho Malōlō faka-Pule’anga.”

Ko e ngaahi ‘aho mālōlō faka-pule’anga pau‘oku ‘ikai toe liliu ‘oku fakamanatua he ta’u kotoa ‘a ia ko e ‘Aho ‘o e Tau’ataina (4 Sune); ‘Aho Konisitutone (4 Novema); mo e ‘Aho ‘o Tupou I (4 Tisema). Ko e ngahi ‘aho mālōlō ko eni ‘e fakamanatua ia ‘o fakatatau ki he tu’utu’uni ‘a e Lao (Fakatonutonu) ki he Ngaahi ‘AhoMālōlōFaka-Pule’anga 2010.

Ko e founga tatau pe ki hono fakamanatua ‘o e ‘Aho ‘Alo’i ‘o ‘ene ‘Afio ko e Tu’i ‘o Tonga, ‘oku lolotonga ‘i he taloni pea mo e ‘aho ‘alo’i ‘o e ‘Ea ki he taloni ‘o Tonga-‘e fakamanatua ia ‘i he ‘aho totonu pe ‘oku hoko ai, tukukehe ka hoko ‘a e ongo ‘aho ni (Ko ‘Ene ‘Afio, Tupou VI- 4 Siulai) mo e (Pilinisi Kalauni Tupouto’a ‘Ulukalala-17 Sepitema) ‘i he ‘aho Sapate pea kuopau leva ke toki fakamanatua he ‘aho Monite hoko, ‘o fakatatau ki he Lao (Fakatonutonu) ‘o e Ngaahi ‘Aho Mālōlō Fakapule’anga 2013.

Lolotonga‘eni, ‘e fakamanatua ‘i ha Polokalama Hengihengi ‘o kamata he 6 pongipongi ‘i he Maka Fakamanatu ‘o e Tau ‘i Pangai Si’i ‘i he Tokonaki 25 ‘Epeleli ‘i Nuku’alofa ‘a e senituli ‘e taha ‘o e tōtau ‘o e kongakau fakatahataha ‘a ‘Aositelelia mo Nu’usila ‘i Kalipoli, Toake, he Tau Lahi hono ‘Uluaki ‘a Mamani.

Ko e fakamanatua ‘eni ‘o e fakatu’uta ‘o e ongo kongakau fakatahataha ‘a Nu’usila mo ‘Aositelelia ‘i Kalipoli, pea manatua fakafonua ai mo kinautolu na’a nau tōtau, kau he fetā’aki fakamamani lahi,mo e ngaahi  kongakau fakamelino.
.
NGATA’ANGA

Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; Ngaahi Faka’eke’eke- Email: This e-mail address is being protected from spambots. You need JavaScript enabled to view it

 

Who's Online

We have 529 guests online

PUBLIC ENTERPRISES