“Fili ‘a Sione ‘Uhila Liava’a ko e Sea ‘o e Komisoni ‘a e Kau Ngaue Fakapule’anga”

E-mail Print PDF

16 'Epeleli 2015 English | Tongan Kuo fili ‘a Sione ‘Uhila Liava’a ko e Sea ‘o e Komisoni ‘o e Kau Ngaue Faka-Pule’anga (PSC) ‘i he ta’u ‘e fa (4) ka hoko ‘o kamata lau mei he ‘aho 10 ‘Epeleli 2015.

Ko e fetongi ‘eni ‘e ‘Uhila ‘a Mishka Tu’ifua, ‘a ia na’a ne ‘i he lakanga sea ‘o ngata ki ‘Epeleli 10, 2015.

Na’e tu’uaki ‘a e lakanga ni ‘o to’o mei ai ‘a e toko nima ke faka’eke’eke ‘o kau ki ai ‘a Sione ‘Uhila Liava’a,  Lisiate ‘Aloveita ‘Akolo, Toketa Taniela Fusimalohi, Penisimani Vea, mo Filimone Fifita. Ko kinautolu na’a nau fakahoko ‘a e faka’eke’eke ko Hon. Semisi Fakahau, Toketa Uili Fukofuka mo Mele ‘Amanaki.

Fakatatau ki he Kupu 4a, 4b mo e 4c ‘o e Lao ki he Kau Ngaue Fakapule’anga (fakatonutonu) 2010, ‘oku ‘i he Palemia ‘a e mafai ke fili ‘a e kau Komisiona ‘i he loto ki ai ‘a e Kapineti.

Ko e hoko eni ‘a ‘Uhila ki he lakanga mo ‘ene taukei ngaue he ngaahi ta’u lahi he ngaue fakapule’anga, he na’a ne hoko ko e ‘Akauniteni Seniale mo e Sekelitali Pa’anga he Potungaue Pa’anga, pea ko e fakafofonga malolo ‘o e  kakai ki Fale Alea.




NGATA’ANGA

Tukuatumei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; NgaahiFaka’eke’eke- Email: This e-mail address is being protected from spambots. You need JavaScript enabled to view it

 

 

Who's Online

We have 479 guests online

PUBLIC ENTERPRISES