Home / NEWS TODAY / Press Releases English

Press Releases

This section outlines official Press and Media Statements issued by the Ministry of Information and Communications in addition to Press Releases from the Prime Minister's Office and other Government Ministries and Departments.

ONGOONGO TUKUATU

E-mail Print PDF

21 'o Fepueli, 2017 ‘Oku faka’amu ‘a e ‘Eiki Palemia mo e ‘Ofisi ‘o e Palemiá ke fakapapau’i atu heni ki he kakai ‘o e fonuá ke nau mea’i, ‘oku ‘i ai ‘a e tohi loi mo ta’emo’oni ‘oku faka’aho ki he ‘aho 9 Sanuali 2017 ‘oku tufaki atu ‘i he ngaluopee pea pehe ki he kautaha ongoongo Nepituno Online ‘o tukuaki’i ta’emo’oni ai ‘a e ‘Eiki Palemia.

‘Oku ha ‘i he tohi ko ‘eni na’e folau atu ki Siaina ‘a e ‘Eiki Palemia ‘i he mahina ko Sanuali ‘o e ta’u ni ‘o talanoa mo e Paati Kominiusi ‘a Siaina. ‘Oku ta’emo’oni ‘a e fakamatala ko ‘eni he na’e ngata pe ‘ene folau ‘i Singapoa pea foki mai. Na’e ‘ikai ke toe hoko atu ‘ene folau ki Siaina ‘o hange ko e ‘uluaki fokotu’utu’ú.

‘Oku mahino ‘aupito ko e tohi ni na’e fa’u loi’i ‘aki ‘a e taumu’a ke tukuhifo ‘a e ngeia ‘o e ‘Eiki Palemia mo e Pule’anga, lolotonga atu ko ‘eni ‘a e nganga’ehu ‘o e Paloti ki ha Ta’efalala’anga ‘a e Palemia. ‘E tuku atu ki he Potungaue Polisi ke hoko atu ‘enau ngaue ki he me’a ni ‘i he vavetaha.

‘Oku fakapapau’i atu heni ‘e he ‘Ofisi ‘o e Palemia na’e ‘ikai ke fa’u ‘e he ‘Eiki Palemia mo hono ‘Ofisi ha tohi pehe ni. Ko e tohi ko ia ‘oku ‘ave fakataha mo e ongoongo ko ia ‘a e Nepituno Online ‘o pehe ko e tohi ‘a e ‘Eiki Palemia, ‘oku ta’emo’oni mo loi hono kakano. Na’e te’eki ke fakamo’oni hingoa ‘a e ‘Eiki Palemia ki ha tohi pehe ni.

Ko hono toenga ‘o e ‘uu tukuaki’i kehe ‘oku ta’emo’oni kotoa mo ia.


-NGATA’ANGA-

Tuku atu mei he:‘Ofisi ‘o e Pal?mia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax: (676) 23 888; Ngaahin Faka’eke’eke- Email: This e-mail address is being protected from spambots. You need JavaScript enabled to view it Uepisaiti: www.pmo,gov.to


 
Page 9 of 1619

Who's Online

We have 292 guests online

PUBLIC ENTERPRISES