Home / NEWS TODAY / Press Releases English

Press Releases

This section outlines official Press and Media Statements issued by the Ministry of Information and Communications in addition to Press Releases from the Prime Minister's Office and other Government Ministries and Departments.

“Popōaki Talomonū ‘a e ‘Eiki Palēmia Le’ole’o ki he Timi ‘Akapulu Liiki ‘a Tonga- Mate ma’a Tonga”

E-mail Print PDF

31 'Okatopa 2013 Ko e popoaki talamonu 'a e Pule'anga mo e fonua ki he Mate ma'a Tonga

o Tapu mo e ‘afio ‘a e Tolu Taha’i ‘Otua;
o ‘Oku ou fakatapu atu ki Loto Tatau, mo e ha'ele ‘oku fai ki he ‘ Otu muli na;
o Tapu mo e Ta'ahine Kuini Fehuhu, Kuini Halaevalu Mata'aho;
o Tapu mo e Tama Tu'ipelehake mo Hou'eiki
o Tapu mo e Sea ‘o e Fale Alea ‘o Tonga moe Hou'eiki Memipa;
o Tapu mo e Hou'eiki Memipa ‘o e Kapineti;
o Tapu mo e kau fakafofonga ‘oe ngaahi Pule'anga Muli;
o Tapu mo Ha'a Matapule mo Ha'a Taula'eiki;
o Tapu mo e tangata'i fonua mo e fefine'i fonua ‘o Tonga;
o ‘Oku ou ‘oatu ha fakatapu makehe mo e ‘ofa, kia kimoutolu ‘a e kau memipa moe Timi Mate Ma’a Tonga ki he ‘Akapulu Liiki ‘a Mamani ki he 2013 (Rugby League World Cup 2013) 

‘Oku ou tomu’a tuku ha fakamalō mo ha fakafeta’i ki he ‘Otua Mafimafi ‘i he’ene kei ‘ofa mo tauhi ‘etau mo’ui vaivai ‘o tau toe a’usia ai ‘a e ngaahi ‘aho fakakoloa ko eni.  

‘Oku ou fiefia ke fakafofonga’i ‘a e ‘Eiki Palēmia mo e Pule’anga ‘o e ‘Ene ‘Afio pea mo e fonua hono kotoa ke fakahā ‘a e loto mafana makehe mo e fiefia ‘a e Pule’anga mo e kakai ‘o e fonuá, he ola lelei mo fakaofo e va’inga ‘a e  Timi Mate Ma’a Tonga  kuo fakahoko ‘i he ‘aho ni, ‘Aho 30 ‘Okatopa, ‘ i  Pilitānia Lahi, ‘i ho’omou  fetaulaki mo e timi ‘a Sikotilaní. 

Neongo na’e ‘ulungia, ka ko e va’inga fakaholomamata mo’oni.  Ko e ngāue lahi mo e tōtōivi na’a mou fakahokó he kuo mou ikuna ma’a Tonga. ‘Io, kuo mou tuku ‘a Tonga ki he langilaú, pea ko e me’a pē ‘oku mau ma’u ma’a moutolu ko e lotu mo e hufaki ‘aki homau loto kotoa. 

‘Oku ‘oatu ai heni ‘a e fakamalō lotohounga mo’oni mo e talamonū ki he Kapitení pea mo e Timi hono kotoa ‘a e Mate Ma’a Tonga, kae’uma’ā ‘a e kau pule mo e kau poupou hono kotoa ki he ngaahi va’inga ka hokó. 

‘I he kamata’anga ‘o e mahina ni, ne foaki atu ai ‘e he Pule’anga Tonga ‘a e tokoni pa’anga ke poupou ki he teu ngaue ma’ongo’onga ‘a e Timi ‘Akapulu Liiki ‘a Tonga, ‘Mate Ma’a Tonga’– ko e konga si’i pe e poupou ki he teu tangata ki he fe’auhi Ipu ‘a Mamani. ‘Oku ou fiefia he faingamalie koeni ke fakahoko atu ki he Palesiteni kae’uma’a e taimiki va’inga  Mate Ma’a Tonga, kuo maau e ngaue ki hono ma’u ‘o e ki’i seniti ni- 

‘Oku kau fakataha e Pule’anga Tongá mo e kakai hono kotoa ‘o e fonuá he fiefia mo e poupou kakato atu ki he Mate Ma’a Tonga- ‘ofa ke mou ma’u ha ivi mo ha loto lahi mei he ‘Otua  Mafimafi ke kei hokohoko lelei atu aipē e maa’imoa ‘Akapulu Liiki ‘i ho’omou ngāue mateaki mo lavame’a ma’ae kakai ‘o Tonga. 

‘I he loto faka’apa’apa mo’oni Hon. Samiu Kuita Vaipulu Palēmia Le’ole’o

-NGATA’ANGA- 

Tukuatu mei he: 'Ofisi Palemia, P.O. Box 62, Nuku'alofa, Tonga. Tel: (676) 24 644 Fax:  (676) 23 888; Media enquiries: This e-mail address is being protected from spambots. You need JavaScript enabled to view it

 
Page 2050 of 2305

Who's Online

We have 252 guests online

PUBLIC ENTERPRISES