Home / NEWS TODAY / Press Releases English / Tongan version

Press Releases Tongan version

The Tongan version of the English Press Release versions.(Ko e liliu faka-Tonga e ngaahi ongoongo faka-Pilitania)

Ha’ele ‘A’ahi ki Pilitania ki he Ta’ane ‘a Pilinisi William ‘o Wales

E-mail Print PDF
27 'Epeleli 2011

Na'e tu'uta lelei ‘a e Ha'ele ‘a ‘Ene Afio, Kingi Siaosi Tupou V ki Lonitoni, ‘i he ‘aho Sapate 24 ‘o ‘Epeleli, ko e teuteu ki he fakaafe ki he Ta'ane ‘a Pilinisi William ‘o Wales pea mo Catherine Middleton, ‘aia ‘e fakahoko ‘i Westminster Abbey, ‘i he ‘aho Falaite, 29 ‘o ‘Epeleli 2011.

‘I he ‘aho ‘o e katoanga, ‘e ha'ele fakataha atu ai ‘a ‘Ene ‘Afio mo e Ngaahi Ha'a Tu'i kehe mei he Ngaahi Fonua Muli ki Westminster Abbey ki he Ouau ‘o e Ta'ane. ‘I he hili ‘a e Ouau Lotu ‘o e Ta'ane, ‘e hoko atu ‘a e ha'ele ki he Palasi Buckingham ki he Fakaafe ‘a e Ta'ahine Kuini. ‘Oku fakaangaanga ‘e a'u ki he toko onongeau tupu ‘a e tokolahi ‘o e kau Fakaafe Tu'ukimu'a ki he Palasi. ‘E toki me'a atu ‘a e Pilinisi mo hono Ta'ane mei he Fofonga Fakahihifo ‘o e Palasi (West Terrace) ‘i he hili ‘a e ouau ‘o e Fakaafe Fakalangilangi ‘i he taimi 3.30 efiafi.

Lolotonga ‘o e ‘i Pilitania ‘a e Ha'ele, ‘e fakahoko ai mo e fefolofolai (audience) ‘a e Tama Tu'i mo e Pilinisi ‘o Wales ‘i Clarence House. ‘E ‘iai foki mo e fakaafe makehe ki he Tama Tu'i mei he Tiuke ‘o Gloucester mo hono Hoa (Their Royal Highnesses The Duke and Duchess of Gloucester) ki he Palasi Kensington.

‘I he hili ‘a e katoanga ‘o e Ta'ane, ‘e hoko atu ‘a e Ha'ele ki he kolomu'a ‘Iulope ‘e ua, kimu'a pea toki liuaki mai ‘a e Ha'ele ki Tonga ni.

NGATA'ANGA

Mei he: Office of the Lord Chamberlain, 'Ofisi Palasi, Nuku'alofa, 2011

Last Updated ( Thursday, 28 April 2011 15:45 )
 
Page 235 of 238

Who's Online

We have 238 guests online

PUBLIC ENTERPRISES