Home / NEWS TODAY / Press Releases English / Mateuteu lahi Vahefonua ‘Eua ki he teuteu ‘o e Maa’imoa Faka’ali’ali Ngoue 2018

Mateuteu lahi Vahefonua ‘Eua ki he teuteu ‘o e Maa’imoa Faka’ali’ali Ngoue 2018

E-mail Print PDF

24 Siulai 2018 ‘Oku mateuteu atu ai pē ‘a e Vahefonua ‘Eua ki he Maa’imoa Faka’ali’ali Ngoue ‘apongipongi na, neongo ‘a e ngaahi maumau na’e uesia ‘e he Saikolone Fakatalopiki ko Gita ‘i Fēpueli ‘o e ta’ú ni.

Fakatatau ki he Fakafofonga Pule’anga ‘o e Vahefonua, Sunia Havea ‘oku ‘i ai pē ‘a e ngoue ia ‘oku ‘osi mahino pē ‘e ‘ikai ke ‘i ai ha ola lelei ki he Faka’ali’ali Ngoue ‘o hangē ko e ‘akau fua. Ka ‘oku ‘i ai pē ‘a e ngaahi tafa’aki kehekehe ‘oku tu’u talifaki ‘o e hangē ko e Toutai, Ngaue fakamea’a pea mo e fua ‘o e fonua.

Na’á ne fakahā foki ‘oku hoko ‘a e polokalama faka’ali’ali ngoue ‘o e ta’ú ni ko ha ivi mālohi ia ke fakaakeake’aki ‘a e kakai ‘o e fonuá, tautefito ki he ni’ihi na’e ‘ikai ke nau to e fu’u māfana ke fai ‘a e ngoue.

“‘Oku meimei hangē ‘oku fakaakeake ai pē ‘e he faka’ali’aki ngaoue iá ‘a e vilitaki ki he ngoue. ‘Oku hoko ia ke ne hanga ‘o fakaivia ‘a e kakai na’e ‘ikai ke nau to e māfana fefē ke fai ‘a e ngoue, pea ‘oku hoko ‘eni ko e fakava’e lelei ke mau kamata’aki.”

Na’e fakahā foki ‘e Sunia ‘oku kei tu’uma’u pē ‘a e kava ko e ma’u’anga pa’anga hū mai fika ‘uluaki ia ki he Fonua.

‘E Huufi ‘a e Faka’ali’ali Ngoue ‘a e Vahefonua ‘Euá, ‘e he Tama Tu’i Kingi Tupou VI ‘i he mala’e Niu’eiki ‘i he 11am ‘apongipongi.

NGATA’ANGA

Tukuatu mei he Potungāue Fakamatala ‘Ea, Ma’u’anga Ivi, Ma’u’anga Fakamatala, Tokangaekina ‘o e Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki

 

Who's Online

We have 188 guests online

PUBLIC ENTERPRISES