Home / NEWS TODAY / Press Releases English / Kau atu ‘a e Va’a Ma’u’anga Mafai ki he Veve ‘a Vava’ú ki he Polokalama Faka’ali’ali Ngoue, 2018

Kau atu ‘a e Va’a Ma’u’anga Mafai ki he Veve ‘a Vava’ú ki he Polokalama Faka’ali’ali Ngoue, 2018

E-mail Print PDF

14 Siulai, 2018 ‘Oku faka’ofo’ofa ‘aupito pea anga maheni pē ‘a e faka’ali’ali ngōué ia he ta’u kotoa pē. Ka ko e ta’u ni ‘oku makehe ange he fuofua kau atu ko ia ‘a e Va’a Ma’u’anga Mafai ki he Veve ‘a Vava’u ní, ‘i he Polokalama Maa’imoa Faka’ali’ali Ngoué, Toutaí, Takimamatá pea mo e Fefakatau’aki ‘a e Vahe Fonua Vava’ú 2018.

Ko hono fakahä ‘eni ‘e he Pule Ngäue ‘a e Va’a Ma’u’anga Mafai ki he Veve ‘a Vava’ú Tevita ‘Ofa Fonua Toli, ‘i hano faka’eke’eke ki he mahu’inga ‘enau kau atu ko ia ki he Polokalama Faka’ali’ali Ngoue‘a e vahe fonuá.

Na’e fakama’ama’ala ‘e Tevita ko e ‘uhinga ‘enau kau atu ki he polokalamá ke faka’ilo ‘enau tefito’i fatongia ki he kakaí ‘a ia ko hono tokanga’i mo pule’i ‘o e veve.

“’Oku ou fiefia ‘aupito ‘i he’emau kau atu ki he polokalamá ke toe faka’ilo atu ‘emau tefito’i ngäué ke ‘ilo he kakai ‘o e vahe fonua ni. Neongo na’e toki fokotu’u pē ‘a e va’á ni he ta’ú ni ‘i ‘Epelelí, ka na’e lele talu pē mei ai ‘a ‘emau hiko vevé mo fakahoko e ngaahi polokalama ako ki he ngaahi sosaietí fekau’aki mo ‘emau fakahoko fatongiá. ‘Oku mau toko 24 fakakätoa.”
Na’e fakahä foki ‘e Tevita na’a nau faka’ali’ali ‘aneafi ‘a e ngaahi tatau ‘enau ngaahi fakamatala (brochures) fekau’aki mo e ngaahi lao ki he vevé kuo fakapaasi mei Fale Alea, ngaahi tautea ‘oku foaki ‘o ka laku veve ha taha, lingi vevé, kalasi kehekehe ‘o e vevé, fanga ki’i kato tupenu ke ngäue’aki ki ha fakatau ‘i he polokalama faka’ali’alí makatu’unga pe ‘eni ‘i he feinga ke fakasi’isi’i hono ngäue’aki ‘o e milemilá ki he fakataú.


“Na’e fakahoko mo e presentation mo tufa atu foki mo ‘enau ngaahi falani ‘oku tä pe ai ‘a e ‘Clean Green Tonga’ ke faka’ai’aí mo fakahä ki he kakai ‘a e taumu’a ngäue ‘a e va’a ni.”

Na’a ne fakahā foki ko e lolotonga ko ia ‘a e polokalama faka’ali’alí na’e tufotufa pē ‘a e tamaikí mo e ngaahi milemila ke hiko e vevé.

“‘Oku hangē pē ia hano ako’i e kakaí ke takitaha to’o pē ‘ene vevé fakatatau ki he tautea ki he laku vevé ‘o kamata mei he pa’anga ‘e $20 – $2000 ‘a e mo’ua laku veve.”

Taimi tatau na’e fakahä ‘e Tevita ko e ‘aho Falaite kotoa pē ‘i Neiafu kuopau ke fakahoko e hiko veve pea ‘oku ta’etotongi pē.

“‘Oku fiema’u pē ke toe lahi ‘a e polokalama ako fekau’aki mo e ngaahi lao kuo fakapaasí mo fakamamafa’i ki he ngaahi tautea ‘e fakahoko ‘o ka maumau’i ‘e ha taha ‘a e ngaahi laó ni.

Na’e kau atu foki ‘a e ni’ihi e Potungāue ‘a e Pule’angá ‘i Vava’u ni ki he Faka’ali’ali Ngoué ‘o kau ki ai ‘a e Takimamatá, Leipá, MEIDECC, Toutaí mo e Ngoué foki.

NGATA’ANGA

Tuku atu mei he
Potungaue Fakamatala ‘Ea, Ma’u’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki

 

Who's Online

We have 209 guests online

PUBLIC ENTERPRISES