Home / NEWS TODAY / Press Releases English / Me'a 'a Pilinisi Tungi 'i he fakamanatu 'o e 'Aho Fakamamani Lahi 'o e Melino

Me'a 'a Pilinisi Tungi 'i he fakamanatu 'o e 'Aho Fakamamani Lahi 'o e Melino

SPEECHES - Speeches by Royal Family
E-mail Print PDF
21 Sepitema 2012  Ko e Me'a 'a e Tama ko Pilinisi Tungi 'i hono fakamanatu fakamamani lahi 'o e 'Aho 'o e Melino 'i he 'a ho 21 Septema 2012.

Tapu mo Kingi Tupou VI, Ko e Tu'i ‘o Tonga;
Tapu mo Kuini Nanasipau'u, Ko e Kuini ‘o Tonga;
Tapu mo Kuini Halaevalu Mata'aho, Ko e Kuini Fehuhu ‘o Tonga kae'uma'a
‘A e Fale ‘o Ha'a Moheofo;
Tapu pea mo Pilinisi Tu'ipelehake pea moe Hou'eiki ‘o e Fonua;
Tapu pea mo Lord Tu'ivakano, ‘Eiki Palemia ‘o Tonga kae'umua'a ‘a e Hou'eiki Minisita ‘o e Kapineti;
Tapu pea mo Lord Fakafanua, ‘Eiki Sea ‘o e Fale Alea ‘o Tonga kae'uma'a ‘a e Hou'eiki Memipa ‘o e Fale Alea;
Tapu pea mo e Kau Taki Lotu kotoa pe.
Tapu pea mo e tangata'ifonua mo e fefine'ifonua kotoa pe.

‘Oku ou fiefia ke fakahoko atu ‘a e talamonu kiate kimoutolu ‘i he ‘aho ni, ko e ‘aho fakamanatu fakamamani lahi ‘i he ngaahi fonua ‘o e pule'anga fakatahataha pe ko e United Nations, ‘a e mahu'inga ‘o e melino. Ko e kaveinga ‘o e ta'u ni ‘oku pehe "ko e melino tu'uloa ma'ae kaha'u tu'uloa".

‘I he'ene pehe, ko e fakalakalaka tu'uloa hotau fonua ‘oku makatu'unga ia mei he kakai ‘oku uho'aki ‘enau nofo ‘a e melino.

Ka ‘e anga fefe ‘eni hotau ki'i fonua ni?

‘I he kuohili, na'e nofo fevakovi'aki ‘a tonga ni.  Ka ‘oku tau fakafeta'i ‘i he hoko mai ‘a Tupou 1, na'a ne fakamelino ‘a e ‘Otumotu Anga'ofa pea na'e melino mo ma'uma'uluta ai ‘a e nofo.

‘Oku lelei ketau tu'uma'u ai, pe ko e ngaue fakasino, faka'atamai mo e fakalaumalie ka ‘oku mahu'inga ketau uho'aki pe ‘a e melino.

Ko e fonua ni na'e tuku ki langi, ki he ‘aofinima ‘o e ‘Eiki Mafimafi ke ne takiekina mo malu'i.  ‘oku lelei ketau nofoma'u ai, ‘i he'etau tokanga ki he lotu pea mo'ui'aki, he ko e lotu pe te ne ‘omai ‘a e nofo melino ‘oku tolonga ma'a tonga.

"Ko e melino tu'uloa ma'ae kaha'u tu'uloa".

‘Oku ou fakatauange ke mou ma'u ha ‘aho fakamanatu ‘o e melino fiefia mo kelesi'ia.

‘Ofa atu

ENDS

Issued by: The Ministry of Information and Communications, Nuku'alofa, 2012. Transcript of His Serene Highness's Speech on World Peace Day.