Home / THE PUBLIC SERVICE / Govt. Departments / Governors, District & Town

Governors, District & Town Office



"Tokolahi Ange Kau ‘Ofisa Pule Fakavahefonua ‘Oku Poupou ki he Fili Fakavahe Iiki"

E-mail Print PDF

28 ‘Okatopa, 2009.  Ongoongo.

"Oku tokolahi ange ‘a e kau ‘Ofisa Pule Fakavahefonua ‘o Tongatapu ‘oku poupou ki he fili Fale Alea fakavahe fonua iiki, ‘ia kinautolu ‘oku nau poupou ki he founga fili Fale Alea lolotonga." Ko e fakamatala ia ‘oku tukuatu ‘e he ‘Ofisi Palemia fekau'aki mo e fakamatala na'e pulusi ‘i he nusipepa Kele'a (21 Okatopa 09) fekau'aki mo e fakataha ‘a e ‘Eiki Palemia mo e kau ‘Ofisa Pule Fakavahefonua pea mo e kau ‘Ofisa Kolo, na'e fakahoko ‘i he ‘aho 14 ‘o ‘Okatopa ‘i he Fale Fakataha'anga ‘i Fa'onelua.

Na'e pehe ‘e he fakamatala ‘a e Kele'a tokua ka na'e "... hokohoko atu ‘enau fakataha ‘e ‘osi hake ‘a e kau Pule Fakavahe mo e kau ‘Ofisakolo he fakaha loto ki he ‘enau ta'eloto koia ki he fili fakavahe."

‘Oku fakapapau'i ‘e he Ofisi Palemia ko e kau ‘Ofisa Pule Fakavahefonua ‘e toko 4 ‘oku nau poupou ki he fili Fale Alea fakavahe iiki; ko e toko 2 ‘oku na poupou ki he founga fili Fale Alea lolotonga; pea ko e toko taha ‘oku ne poupou'i e ongo founga ‘e ua.

Na'e toe fakamahino'i ‘e he ‘Ofisi Palemia, ko e kau ‘Ofisa Kolo ‘e toko 6 na'a nau ma'u faingamalie ke fakaha honau loto lolotonga e fakataha na'e fai, pea ko e toko 3 na'a nau fakaha ‘enau poupou ki he fili Fale Alea fakavahe iiki, pea ko e toko tolu leva na'a nau poupou ki he founga fili Fale Alea lolotonga.

-Ngata'anga

------------------------------------------------------------------------------------------------------------

Issued by: The PMO Website Bureau, Prime Minister's Office, P.O. Box 62, Nuku'alofa, Tonga.
Telephone: (676) 24 644 Fax: (676) 23 888 Email: This e-mail address is being protected from spambots. You need JavaScript enabled to view it

Last Updated ( Thursday, 18 August 2011 16:21 )
 
Page 3 of 3

Who's Online

We have 573 guests online

PUBLIC ENTERPRISES