Home / THE PUBLIC SERVICE / 14 Govt. Ministries / Commerce, Tourism & Labour / Tourism / Fakataha faka-Ta’u 2015, Kautaha Takimamata ‘a Tonga

Fakataha faka-Ta’u 2015, Kautaha Takimamata ‘a Tonga

E-mail Print PDF

24 Sune 2015 Na’e to e fili ‘a Siosaia Moehau pule ‘o e hotele Black Pearl ko e Palesiteni, lolotonga ‘a e Fakataha Fakata’u ‘a e Kautaha Takimamata ‘a Tonga ‘i Loumaile Lodge he ‘aho 2 Sune 2015.  Ku o ta’u lahi hono toutou fili ‘a Siosaia Moehau ko e Palesiteni he Kautaha Takimamata ‘a Tonga makatu’unga ‘i he’ene ngaue totoivi mo ‘osikiavelenga hono keli mo tanumaki ‘a e Takimamata ‘a  Tonga.    
Na’e to e fili foki mo e kau paionia he Takimamata ‘a  Tonga’ hangë ko Papiloa Bloomfield Foliaki,   Fakafofonga Falealea Semisi Sika, Peseti Ma’afu, Footi ‘Aho, Samuela Tatafu,  Simana Kamï mo e tokolahi ke he, kenau keli mo taufetuku ki ke Takimamata’ pea ke tou mo lilingi ‘a e tapuaki’ ki he kau nima-fola he Takimamata’, ke to e leleiange he ko e laukau’anga mo e mo’ui’anga ‘a e Tonga’.

Ko e kau nima-fola eni kuo nau pole ke nau ‘alofia ‘a e ama  Takimamata ‘a Tonga‘ he 2015.  
Palesiteni: Siosaia Moehau, Pule Black Pearl
Tokoni Palesiteni 1: Peseti Ma’afu, Liku’alofa Beach Resort
Tokoni Palesiteni 2: Papiloa Bloomfield Foliaki, Friendly Islander Hotel
Executives
Fika 1: MP, Semisi Sika, Five Star Travel   
Fika 2: Simana Kami, ‘Oholei Beach Resort
Fika 3: Samuela Tatafu, Deep Blue Diving   
Fika 4: Freda Vete, Tali’eva Inn
Fika 5: Kololiana ‘Otuangu Naufahu, Paradise Hotel
Tauhi Pa’anga: Footi ‘Aho, Sunrise, Travel and Tours  
Tokoni Tauhi Pa’anga: Salome Foliaki Po'oi, Every Seasons Travel Tours    
Sekelitali Seniale : Siosaia Fonua, Tonga Information Centre  
Sekelitali Lekooti: Ruby Ma’afu, Tonga Tour  
Atita: Sione Talanoa Finau, Real Tongan Airline


Pa’anga humai ‘a Tonga mei he Takimamata ‘a Tonga
Neongo ’e laukau ‘a e Pule’anga’ he Takimamata ‘a Tonga’ mo ‘enau pa’anga humai ‘e $4.0 miliona he 2007 pea tupulaki fakata’u ki he $80.0 miliona he 2014 pe ofi ki ai, ‘oku lolotonga fulutämakia ‘a e  kau paionia mo e kau nima fola he mala’e ‘o e Takimamata mei he’enau $350.0 miliona pe ofi ki ai kuo nau luva ma’a Tonga mo e Takimamata’.  

Tu’unga ‘o e teu mo e sani ‘a e Takimamata’.
Na’e pehe ‘e he kau fakataka,  ‘oku lolotonga to lalo ‘a e Takimamata´ ko e ‘uhi’, he kuo to lalo ‘enau  ngaahi naunau ki hono talitali e kau folau ‘eve’eva´.  Ku o holo e tu’unga masani ‘a e ngaahi hotele´ mo e ngaahi fale tali fononga´,  pea ‘oku lolotonga fakaakeake mo e ngaahi Takimamata kehe´ ko e ’uhi ko e to nounou ‘enau ngaahi me’a ngäue´.  

To e kole pe mo e ‘Amanaki lelei
Lolotonga pe si’i kelekelea ‘a e Takimamata’, ku o to e to’o ‘e he Pule’anga’ ia ‘a e Laiseni Fakalalaka ki he Takimamata’.  Na’e fai si’i fakatangi ‘a e Takimamata’ ki he Pule’anga ke tokoni ki hono tu’uaki ‘enau teu mo sani he Takimamata’, pea ke fokotu’u ha’anau Poate ko e  nima ngaue ‘a e Pule’anga’.  Na’e toe siva ‘a e ‘amanaki ‘a e Takimamata’, he ku o to e pulekehea si’enau fakatangi pea mo hono tu’uaki ‘emau teu mo sani he Takimamata ki Tonga’.   

Tukupa ‘a e Takimamata ‘a Tonga
'Oku ongo’i  ‘e he Takimamata ‘a Tonga’, ‘a ‘enau faka’ofa, li’ekina mo tuënoa, neongo ‘enau tukupa ‘tapu hola’ ‘oka ‘uha pe la’ala’a’ pea ke kelekele’aki ‘a Tonga’ ni ‘aki ‘enau teu mo sani ma’ae Takimamata ‘a Tonga’.   

Holoa ivi faka-Takimamata
Ku o holoa e tu’unga faka-Maketi ‘o e ngaahi naunau faka-Takimamata he fonua´ni, pea ‘oku ‘iai e fiema’u vivili fakavavevave ke fai leva hano fakalelei’i na’a popo mo ta’e ‘aonga. ‘Oku feima’u vivili ke hiki hake mo fakalahi ‘a e tu’unga ‘o ‘enau naunau faka-Takimamataa ke ne pukepuke’aki mo fakatupulaki ‘a e folau mai ‘a e kau folau ‘eve’eva´.

2015 ke tokoni’i ‘a e Takimamata
Na’e fakamalo ‘a e Takimamata ‘a Tonga ki he Pule’anga´ hono tokoni’i  ‘a e Sekitoa Ngoue mo e Sekitoa Toutai´ ‘aki e $10.00 miliona pea ‘oku ‘iai ‘a e ‘amanaki lelei ku o taimi he 2015 ke fakakakato hono tokoni’i ‘e he Pule’anga e Kakai’ e ngaahi Sekitoa lalahi ‘e tolu ‘a Tonga´ ‘a e Ngoue´, Toutai´ mo e Takimamata´.  

‘Amanaki lelei ‘a e Takimamata ‘a Tonga
‘Oku ‘i ai ‘a e ‘amanaki lelei ‘a e Takimamata ‘e to e ‘ofa ‘a e Pule’anga ki he Takimamata he ta’u ni 2015, mo e ‘amanaki lelei ‘e to e lelei ange mo lahi ange ‘a e pa’anga humai ki Tonga ni mei he Takimamata.  

Pole ‘a e Takimamata ‘a Tonga  
Na’e pole ‘a e Takimamata ‘a Tonga te nau lava ke hiki hake 'a e pa’anga humai mei he takimamata’ mei he $80.0 miliona ki he $120 miliona 'ihe ta'u ‘e 5 ka hoko mai pea toe liunga ua foki mo hono fakangaue’i e kakai totonu e fonua’.  

Fakataha ‘a e Minisita Takimamata’ mo e Kautaha Takimamata ‘a Tonga  
Na’e mahino ta’e toe veivei ua ‘a e uho taha ‘a e ngaahi fokotu’utu’u ngaue ‘a e Minisita Takimamata’, ‘Eiki Minisita ‘Etuate Lavulavu pea mo e kautaha Takimamata ‘a Tonga’.  ‘I he ‘uluaki fakataha fakamafola letiö ‘a e Minisita Takimamata pea mo e Kautaha Takimamata ‘a Tonga’ he efiafi 2 ‘o Sune 2015, ‘oku ‘i ai e ‘amanaki lelei neongo e faka’ofa ta’u lahi ‘a e si’i päpäea holo ‘a e Takimamata‘a Tonga’.  


Ngata'anga.


Tuku atu mei he: Kautaha Takimamata 'a Tonga. Ki ha'o faka'eke'eke kataki 'o fetu'utaki kia Siosaia Fonua,
Secretary General, Tonga Tourism Association (Established 1975), E: This e-mail address is being protected from spambots. You need JavaScript enabled to view it T: 25777, M: 7717222

 

Who's Online

We have 590 guests online

PUBLIC ENTERPRISES