Home / THE PUBLIC SERVICE / 14 Govt. Ministries / Internal Affairs / FANONGONONGO: Tokoni Afā ki he Vahe Fonua Ha'apaii

FANONGONONGO: Tokoni Afā ki he Vahe Fonua Ha'apaii

E-mail Print PDF
15 'o Sune, 2011. Ki he kau ‘Ofisakolo mo e kau Pule faka-Vahefonua ‘o e Vahefonua Ha‘apai. ‘Oku ‘amanaki ke fakaa‘u atu ki Ha‘apai na ‘i he MV Pulupaki ‘a ‘etau tokoni afā faka‘osi. Pea ‘oku anga pehé ni;

‘E mavahe atu ‘a e MV Pulupaki ‘i he efiafi ni ‘i he ‘aho 14 Sune, 2011 mei Nuku‘alofa. Pea ‘e afe ‘i Nomuka ‘o fakahifo ai ‘a e tokoni afā ki Nomuka, Mango pea mo Fonoi.

Pea mavahe ai e vaka ki Tungua ‘o fakahifo ai ‘a e tokoni afā ki Tungua mo ‘O‘ua. Pea hoko atu ai ki Ha‘afeva ‘o fakahifo ai ‘a e ‘inasi ‘o Ha‘afeva, Matuku, Kotu pea mo Fotuha‘a.

Pea hoko atu ai pe ki Pangai ‘o fakahifo ai ‘a e ngaahi tokoni afā ki he Vahenga Lifuka, Vahenga Foa, Vahenga Ha‘ano pea mo e Vahenga ‘Uiha.

Mou kataki kau ‘Ofisakolo mo e kau Pule faka-Vahefonua ‘o teuteu mai ha me‘alele, vaka moha kakai ke tokoni ki hono fetukutuku ‘a e tokoni afā ni mei he ngaahi station ‘oku hā atu ki ho‘omou ngaahi kolo takitaha.

‘Ikai ngata ai kau ‘Ofisakolo mo e kau Pulefakavahefonua ‘oku ‘iai e faka‘amu kemou fakaa‘u atu ki he kakai ‘o e Vahefonua ‘a e tokoni afā ‘a e Pule‘anga.
Kapau temou fiema‘u ha fakaikiiki mou kātaki fetu‘utaki mai ki he ‘ofisi ‘o e Kōvana ki he telefoni 60-005 pe koe 73-13870 pe ko e Potungāue ngāue ki he telefoni 23-100.

Mālō


Last Updated ( Wednesday, 22 June 2011 22:24 )  

Who's Online

We have 240 guests online

PUBLIC ENTERPRISES