Home / THE PUBLIC SERVICE / 14 Govt. Ministries / Police, Prisons & Fire

Police & Fire Services

Vision

  • Safer Communities

Mission

  • To be the leading police service in the Pacific, working in partnership to maintain law and order, keep the peace, prevent crime and road traumas, and enhance public safety.

Values

  • Our values are fundamental to everything we do.
  • Doing what is right, just and honest
  • Upholding the rule of law and human rights
  • Loyalty to our King, our nation and the people
  • Being guardians of the community
  • Respecting and considering the opinions of others
  • Belonging to the people , the land and the nation

 

ORGANIZATIONAL STRUCTURE:

Hon. Mateni Tapueluelu  - Minister for Police & Fire Services and Minister for Revenue and Customs

Steven John Caldwell - Police Commissioner.

Lofia Heimuli - Fire Commissioner.

CONTACT INFORMATION:

Address: Mauikisikisi Road, Longolongo , Nuku'alofa.
Tongatapu, TONGA.

Tel: +676 23233
Fax: +676 23226

________________________________



Vaini Police Station: Me‘a ‘a e Talafekau Lahi ‘Aositelēlia HE. Dr. Bruce Hunt

E-mail Print PDF
HE Dr. Hunt addresses Australia's funding Police projects

13 Sepitema, 2010.

Tapu mo ‘Eiki Tevita ‘Unga, kae‘uma‘a Hou‘eiki, ‘Eiki Palēmia Dr. Feleti Sevele mo e Hou‘eiki Minisitā e Kalauni kae‘uma‘a e kau Mēmipa Fale Aleá. Komanitā e Tau Malu‘i Fonua, Komisiona e Pilisone, kau Fakafofongfa e ngaahi Pule‘anga mulí, Komanitā Polisi, Chris Kelly mo e kau Polisi kotoa pe kae‘uma kimoutou kuo tau lonuku heni he ho‘ataá ni.

Ko e fale fo‘ou kuo tau fakaava he ho‘ataa ni ‘oku ne fakafofonga‘i mai ‘a e ongo Maka-maile ‘e ua ‘i he fengāue‘aki vaofi ‘a Tonga, ‘Aositelēlia mo Nu‘u Sila ‘i he Polokalama Tokoni ‘o Ngāue fakataha ai ‘a e ngaahi fonuá ni. ‘I he ta‘u pe tolu kuo maliu atu, kuo tau mamata ai ki hono fakatau ‘o uta mai ki Tongá ni e ngaahi me‘alele fo‘ou mo e moto-paiki, mo e Loki kuo fakanaunau‘aki me‘angaue fetu‘utaki faka-Letiō ‘i he ‘Ulu‘i ‘Apitanga Polisí. Ko hono ‘omai e ngaahi me‘a ngāue fetu‘utaki faka-Letiō ‘oku lava ai ke ne kapui ‘a Tongá ni katoa pea kuo ne fakafo‘ou ai ‘a e Senitā fakafonua ki he ngāue faka-Polisi ki he Komiunitī ‘i Longolongo.

Ko e tu‘u ‘a e ‘api Polisi fo‘oú ni ko e ‘uluaki ngāue ia ki tu‘a mei Nuku‘alofa ‘a e Polokalama Ngāue Fakataha ko eni e ‘ū fonua ‘e tolu, ‘o nau a‘u ai ki he ngaahi koló mo e kakai he tukuikolo ‘o Tongatapu. Ko e taha eni e ngāue fakalakalaka mahu‘inga ‘i hono ‘omi e Polisi ke toe ofi-ange ki he kakaí pea mo hono ‘omai e kakai ke nau ngāue fakataha mo e Polisi. ‘Oku ha sino mai ai ‘a e taumu‘a ‘a e Polokalma Ngāue Fakatahá ni, he ko e Poloseki Tokoni ma‘ae Polisi ke langa e tu‘unga-ngāue ke faka-Polofesinale, mataotao pea ako‘i lelei e kau Polisi kenau matu‘uaki ‘a e taliangi vavetaha ki he ngaahi fiema‘u ‘a e kakai fakalukufua.

‘Okú ne toe hulu‘i mai ai e taumu‘a ‘e taha ‘a e Polokalama Ngāue Fakataha ni, ‘aia ko e toe fakafoki mai e falala ‘a e kakai ki he kau Polisi. Ka toutou sio pe kakai e kolo ki he kau Polisi ‘e nau takatakai holo honau fatongia pea kuou tui ‘e fakautuutu aipe ‘a e hoko e kau Polisi ko honau falala‘anga. Ko e fale fo‘oú ni, hangē koe lau ‘a e Komanitá, na‘e ‘iai pe hono ‘uhinga e anga hono langa ‘o fa‘u ke ofi mai e kakai ki he kau Polisi pea ke holoki ai e ‘ā-vahevahe ‘i hona vaha‘a kae lava ke tupulaki e fiengaue vaofi mo ngāue-fakatahá.

‘Oku ‘iai e loto fale ‘oku lahi mo ‘ataa ke tu‘u ai e ngaahi ‘Ofisi pea ‘iai pe ngaahi feitu‘u ke talitali kiai e kakai, pea mo e ongo loki ‘e ua ‘e fai‘anga faka‘eke‘eke mo e ongo Loki ‘Ofisi ‘e ua kae‘uma'a e pilisone ‘e taha mo e loki ke tauhi ai e ngaahi koloa fakahāhā he hopó. ‘Oku fa‘u e falé ni ke ne ‘omai ha ‘ātakai nonga mo malu, ‘e ala fetaulaki lelei ai e kakaí mo e kau Polisí. Pea ko e taumu‘a e ngāué ni ke fakamahino atu ki he kakai ‘o e Vahenga Vaini mo e tukuikolo, ‘oku tokanga lahi atu e kau Polisi kiate kimoutolu ! Pea ‘oku nau fie ngāue fakataha ‘i hono fakapapau‘i ‘oku malu homou ‘atakaí.

Ko e taha pe ‘eni ‘o ha ngaahi ‘Api Polisi tatau, ‘e toki langa he feitu‘u kehekehe ‘o Tongá ni. Hangē koia ne lave kiai e Komanitā Polisi, ko e ‘Api Polisi eni e Komiuniti, ‘o tatau tofu pe mo eni ‘e langa ia ‘i ‘Ohonua, ‘Eua, kimu‘a ‘oku te‘eki ‘osi e Ta‘u faka-Pa‘anga ko eni. Pea ‘ikai ia koia pe, ka ‘e toe langa mo e ngaahi ‘Api Polisi ‘o fua aipe ‘e he ngaahi Pule‘anga ‘e tolu he Polokalama tokoni ki he Polisi Tonga ‘a ‘Aositelēlia mo Nu‘u Sila. ‘Oku mau tui tatau ‘o tukupā ke tokoni‘i hono langa hake ‘o e Polisi ‘i Tonga ni pea ‘i he ‘eku tui, ‘oku to‘oa hoku lotó he ngaahi ngāue fakalakalaka kuo lava, pe tu‘u he ‘ene a‘u mai ki he ‘ahó ni.

‘Oku totonu ke polepole ‘a Tonga ‘i he ‘e tau Potungāue Polisi. Kuo fakangāue‘i ai e kau tangata pe fefine ne ako lelei pea ko e kau polofesinale ‘i honau mala‘e ke taafataha ki hono teu‘i ‘a Tonga ke hoko ko e fonua malu mo nonga ki he anga e nofo. ‘Oku ou fie faka‘osi‘aki pe, ‘a ‘eku fie fakamālō ki he tataki lelei kuo fai ‘e he Pule‘anga Tonga kae tautautefito ki he ‘Eiki Palēmia mo e Tokoni Palēmia kae‘uma‘a ‘a e Komanitā Polisi, Chris Kelly ‘i hono siofi e ngāue ni ke lava lelei pea ‘ikai ngalo ai e ngāue tōtōivi ‘a e Kautaha Fletcher-Royco ‘i hono fai pe ngāue ke ‘osi ki hono taimi totonu !

‘Oku ou faka‘amu foki ke fakamālō‘ia ‘a e poupouu mo e loto‘ofa ‘a e ‘Eiki ma‘u tofi‘a - Nōpele Ma‘afu ‘o foaki mai e kelekelé ni ke langa ai ‘a e ‘Api Polisi fo‘oú ni...... ‘Oku ou fakamālō lahi atu ‘aupito !!!

Hikitohi ‘e he Potungāue Fakamatala mo Fetu‘utaki, lolotonga e Huufi ‘o e ‘Apitanga Polisi Fo‘ou ‘o Vaini he ‘Aho Pulelulu 11:00 am Sepitema 2010. 
Ki hono fakaikiiki fetu‘utaki ki he Telefoni: (676) 28-170 pea ‘e ma‘u atu pe foki he peesi website – http://www.mic.gov.to

Last Updated ( Wednesday, 22 June 2011 23:17 )
 
Page 36 of 40

Who's Online

We have 302 guests online

CONSULATES/EMBASSIES

PUBLIC ENTERPRISES